• روابي القصبة2020
روابي القصبة غابة .. تسر القــلبَ والعينـا
هواها في تُخوم القلبْ .. بسهم العشق رامينا
سقاها الجود مطارا .. ودمـع الغيـم راوينا
رشوش الغيث سكابة .. غداوي مع عشاوينا
هزيم الساري والهتان .. عزف اجمل اغانينا
اذا القصبة سقاها الغيم .. يصير الفن فنَّينا
تهيم في حسنها وتروح .. ضحيَّة أدعج العينا
واذا جينا نغازلها .. هوى الصابي غزل فيـنـا
تذكرنا زمــان اول .. زمـان الفـيـشْ والكـيـنـا
وبين العَشَّـــهْ والمِعمال .. تذكّــرنـا عوادينـا
ولِـقَّاط المُصَعْ جانــعْ .. كحُمْرة خدِّ دارينــا
وهَوْكَـتْـنا على الميراد .. سلامْ يا بير وادينـا
زمان الود والحشمة .. مثلْ حِشمةْ غوانينــا
عروس الكون مَحْـلاها.. ربيع العمر عشرينا
صحيح كل الفصول روعة .. لكن اروعها دورينا
ألا ليت الزمــن وقف .. على لحظة هنَــا فـيــنـا
٠ابومعاذ - القصبة 19-12-1441هـ
